Hei dii buot, davvin ja eará sajiin.
Lean čállán dán blogga badjel jagi dal, iin leat ovdal čállán sámegillii. Álgen ovtta beaivvi jurddašit, manin nu lea. Dieđusge vuosttas sivva lea, ahte lean čuorbi čállit sámegillii, vaikko lean hállan giela olles eallima. Nubbi lea, ahte mus leat eahpesihkarvuođat dás mo riekta ieš alddes hálan. Iin leat oahppan sámegiela skuvllas olbmo láhkái, iin leat oppa vázzan skuvla davvin. Lean easkka áibbas juste oahpahallan ođđasit bustávaid, ja oahpahallan lohkat ja čállit sámegillii.
Jurddašin mo mun ieš muittán maid sámegiella mearkašii munje mánnán. Ii dalle livččii boahtán milliige, ahte goasnu iin máhtášii sámegiela. Jurddašin maid dán, makkár identitehtat šaddet go hupmet eará gielaid. Munhan goitge hálan suoma-, ruoŧa-, ja sámegiela ruovttus, lean álo hállan. Mus lea gievra suomagiella ja oalle gievra ruoŧagiella. Dáid gielaid go hálan, de dovddan dán gievravuođa alddan, ja duostan luohtit dása maid logan ja čálan. Sámegillii mus ii leat álo seamma dovdu. Galggan máŋgii hárjehallat sániid ja duollad guhkit bottuid. Iin dovdde ahte livččiin seamma jierbmái go bista nu guhka hubmat. Šadda heajos iešdovdu, vaikko ii livččii sivage.
Dakkár jurdagiin lea áibbas logalaš, ahte iešdovdu soaitá leat heajos maid sápmelažžan. Lean easka ollesolbmon ádden, mo vuotnalaš lean, go lean álo mahtan oppa juogalagan sámegiela. Manin de dál addášin leahkit?
Lean giiteváš dás, ahte lean oažžun šaddat sápmelažžan. Mu mielas lea balddihahtti jurdda, ahte mu iežan eahpesihkarvuohta gielas váikkuhivččii nu, ahte ballašin leat sápmelaš eará sápmelažžaidguin. Danin áiggun geavahit dán blogga dása maid, ahte čálan ja oahpahalan geavahit giela riekta. Sávan maid, ahte beasan dán bokte oktavuhtii maid dakkar sámiidguin, geat eat hála suomagiela. Dán lassiin lea maid buorre, ahte nehtii šadda sámegielat materiala.
Go ležžen davvin dás moadde vahku dassái, nu ožžon nu ollu giitosiid dás ahte lean čállán sápmelažžaid birra (giitu didjiide ruovttoluotta!). Dás šaddai jurdda: go mun goitge dieđan, ahte mus lea juoida maid daddjat, nu manin galggašin čállát beare ovtta gielain, dáid olbmoide, geat eat háliit gultalit?
Petra Laiti 
Giitu Petra, dn vuoro nuuu stuorra giitosat das, go čálle sámegillii. Don it dárbbaš jurddašit mo riekta čálat, daningo mii buohkát áddet maid don čálat. Du sámegielladáidu nanosmuvvá mađi eambo don dan geavahat. Min servodat dárbbaša ovdagovaid, dakkáriid dego don.
Olu giitu Raila!