Dán vahkus mun isken duddjot ládjogahpira fiera. Eahpelihkostuvven oalát. Dajašingo nu, ahte jos duohpi lea menddo asehaš, de dalle ii veahket liibma iige streaŋga. Gusto áidna vuohki oažžut duobi doallat iežas hámi lea dárbahassii assás materiála, man sáhttá albmaláhkai deattašit. Muhto somá dat goittot lei! Ohppen fiera hámis, ohppen makkár sturrodat munnje heive, ohppen mot … Jatka lukemista Geas lea lohpi coggat ládjogahpira?
Máŋgasat mis leat ovttaoaivilis, ahte min servodat ii luohte stáhtii, ja ahte dat boahttevaš bargu lea dehálaš vai mii sáhttit iežamet rivttiid ja sajádaga ovddidit. Muhto dán proseassa vuođul mun gal baicce dajan, ahte dat lea min iežamet servodat, geasa mii eat eandaliige luohte.
Jurddašan olu fake-gávttiid birra. Dan, ahte man olu dat gávdnojit Suomas ja manne nu lea. Suomas leat guhkes árbevierut gávttiid ja fake-gávttiid boasttugeavaheapmái. Máŋgalot jagi lei áibbas dábálaš ahte turistafitnodagat geavahedje daid márkanastimis dahje vásáhusaid vuovdimis (muhtin sajiin lea ainge nu). Maiddai Davvi-Suoma skuvllain geavahedje fake-gávttiid iežaset doaluin. Iešalddes leage nu, ahte okta sivva Suoma … Jatka lukemista Gii bealuštivččii gávtti?
Yle Sápmi almmuhii odne (27.5.) artihkkala, mas muitaledje sámeservviid hástalusaid birra. Artihkkalis namuhit erenoamážit Oulu Sámit -searvvi, go sii muitalit rahpasit ahte lea váttis gávdnat ođđa olbmuid doaimmaide. Na dat fáddá lea munnje oahpis ja lean dan olu jurddašan, go lean doaimman Suoma Sámi Nuorain ja eará servviin. Vaikko lea áibbas lunddolaš, ahte servviid doaimmat … Jatka lukemista Gos lea Sámiid Suohtastallansearvvi?
Govva: Ville-Riiko Fofonoff / Yle Sápmi Ledjen 23.5. hállamin njálmmálaš árbevieruid hástalusaid birra Urbánbeivviin Anáris. Jurddašin, ahte bijan dan teavstta mu bloggii, vai dan sáhttá maid maŋŋelgihtii lohkat. Munnje orui vuos vehá imaš dat, ahte ožžon bovdehusa hállat go fáddán ledje árbevierut. Mun lean Sámis riegadan, muhto in bajasšaddan. Mu bajásgeassin ii leat leamaš dievva árbevieruid … Jatka lukemista Njálmmálaš árbevieruid hástalusat
Mun láven dávjá gullat, ahte ášši X ii leat gieđahallojuvvon sámiid siste, dahje ahte mii eat leat beassan gulahallat nubbiideamet dihto áššiid birra. Máŋgii sivvan leat stáhtáid čoahkkádusat, mat hehttet gulahallama ja ságastallama. Ádden dieđusge maid, ahte sámit orrot hui viiddásit ja hállet iešguđetlagan gielaid jno, dieđusge dat vaikkuhit. Muhto dán háve háliidivččen aŋkke hállát … Jatka lukemista Jogo mii hállet vašši birra?
Petra Laiti 